Allmenne vilkår for avtaler om straumlevering mellom Strøyma AS og næringskundar
Allmenne vilkår gjeld for næringskundar, offentlege kundar, organisasjonar og andre typar sluttbrukarkundar som ikkje er omfatta av definisjonen forbrukar etter forbrukarkjøpslova.
§ 1 Allmenne vilkår:
§ 1-1 Partane i avtalen
Partane i avtalen er kunden som tek ut elektrisk straum til bruk på ei eller fleire leveringsadresser og Strøyma AS.
Kunden som inngår avtale om straumpris må være identisk med den som er registrert som nettkunde hos nettselskapet på vedkomande leveringsadresse(r) (målepunkt ID).
§ 1-2 Innhald i avtalen, avtaleforholdet og Strøyma AS si yting.
Denne avtalen gir Strøyma AS rett til å avrekne kunden for kunden sitt uttak av straum i samsvar med den avtale partane har gjort.
Med mindre anna er særskilt avtalt mellom partane, skal avtalen omfatta avrekning for alt straumforbruk kunden har på si(ne) leveringsadresse(r) i avtaleperioden.
§ 1-2.1 Strøyma AS si avtalte yting.
Som følgje av Strøyma AS sin rett etter § 1-2, 1. ledd, er Strøyma AS forplikta til å stå økonomisk ansvarleg overfor den avrekningsansvarlege for uttak av straum som skjer til kunden si(ne) leveringsadresse(r) i avtaleperioden.
Det/dei nettselskap kunden har nettavtale(r) med er ansvarleg for at kunden kan ta ut straum etter behov frå nettet til sitt/sine elektriske anlegg.
§ 1-3 Ansvarsfråskriving
Avtale om straumpris er ei avtale om ei finansiell teneste. Som følgje av dette fråskriv Strøyma AS seg eit kvart ansvar for skader og tap den elektriske straumen i seg sjølv, eller uteblitt levering av elektrisk straum, måtte påføra kunden eller kunden sine medkontrahenter som følgje av forhold i nettet til nettselskapet.
§ 1-4 Avtaledokument
Avtale om uttak av straum skjer med standardprodukta «Strøyma månadsspot» eller «Strøyma TimeSpot» dersom ikkje anna er avtalt.
Ved avtaler om uttak av straum som skal avreknast etter andre prisbestemmingar enn standardprodukta, består avtalen mellom partane av følgjande dokument:
- Særskilt avtale mellom partane.
- Allmenne vilkår, dersom ikkje særskild avtale bestemmer anna.
Ved motstrid gjeld bestemmingane i særskild avtale alltid framfor bestemmingane i allmenne vilkår.
§ 1-5 Definisjon
Oppstår tvil om tydinga av begrep og uttrykk som er brukt i desse Allmenne Vilkår, skal definisjonsliste som står tilslutt i vilkåra leggjast til grunn.
§ 1-6 Opplysningar når ein inngår alle typar avtaler om straumpris
For at partane skal kunna inngå avtale om straumpris, må kunden opplysa følgjande:
1. Namn (firmanamn, namn på offentleg organ eller organisasjon eller liknande)
2. Organisasjonsnummer
3. Adresse(r) for de(i) målepunkt ID(ene) avtalen skal omfatta.
4. Målepunkt ID. (Finns på fakturaer fra nettselskap(a)- gje opp dei siste 8 siffer)
5. Fakturadresse hvis denne er forskjellig frå adressa oppgitt under (3), (for eksempel e- faktura)
6. Forventa årleg uttak av straum fordelt på kvartal evt. måned. (Basert på historisk statistikk eller skjønn).
§ 1-7 Oppseiing av kunden si gjeldande avtale om straumpris i samband med overgang til avtale om straumpris hos Strøyma AS.
§ 1-7.1 Dersom ikkje anna er avtalt i Særskilt avtale, må kunden sjølv sørgje for å seia opp dei gjeldande avtalene sine.
§ 1-7.2 Verknad av klager frå kunden sin tidlegare avtalepart.
Dersom kunden sin tidlegare avtalepart i samband med oppseiing/leveradørskifte gjer gjeldande at kunden ikkje har rett til å seie opp gjeldande avtale om straumpris og leverandørskifte, er dette Strøyma AS uvedkomande.
§ 1-7.3 Ansvar for tap m.v. som følgje av forseinka eller ikkje gjennomførbart leverandørskifte
Dersom leverandørskifte blir forseinka, eller ikkje kan gjennomførast p.g.a. forhold som er nemnt i § 1- 7-3, er Strøyma AS ansvarsfri for dei tapa kunden måtte ha som følgje av dette. Dersom Strøyma AS lir tap fordi eit leverandørskifte vert forseinka eller ikkje kan gjennomførast på grunn av forhold som er nemnde i § 1-7-2, kan Strøyma AS halda kunden ansvarleg for slike tap. Strøyma AS pliktar, så langt det let seg gjera, å avgrensa tapet sitt. Erstatning for tapet Strøyma AS vert utrekna etter reglane i § 4- 2-2, andre ledd for det tidsrommet Strøyma AS blir påført tap.
§ 1-8 Kredittvurdering, stilling av sikring m.m. ved avtaleinngåing.
§ 1-8.1 Kredittvurdering
Strøyma AS inngår avtale med kunden under føresetnad om kunden er i stand til å betale. Kunden aksepterer at Strøyma AS kan innhenta kredittvurdering av kunden.
§ 1-8.2 Stilling av sikring m.v.
Dersom kredittvurderinga etter sakleg vurdering frå Strøyma AS sannsynleggjer fare for betalingsmisleghald kan Strøyma AS avvisa bestillinga, eventuelt sei opp avtalen, eller krevja at det blir stilt sikring, mellom anna fast forskotsbetaling.
Sikring i form av sjølvskyldnarkausjon (bankgaranti o.l.) skal dekka betaling for pårekna uttak for inntil 4 månader. Sikringa kan krevjast oppretthalden så lenge faren for misleghald av betalingsplikta kan gjerast sannsynleg.
Dersom eit sakleg grunngitt krav om å stilla sikring eller forskotsbetaling ikkje vert akseptert av kunden, er dette eit vesentleg misleghald som gjer Strøyma AS rett til å heva avtalen straks.
§ 1-9 Teieplikt
Partane, partane sine tilsette og andre hjelparar partane måtte ha engasjert, har teieplikt om alt som vedkjem den andre part sine drifts- og forretningsforhold.
Dette er ikkje til hinder for at Strøyma AS kan nytta eigen kunnskap om kunden i samband med kredittvurdering, eller at Strøyma AS kan gje opplysningane om kunden til offentleg myndigheit som har heimel i lov til å krevja opplysningar.
§ 2 Avrekning for uttak av straum
§ 2-1 Avrekning
§ 2-1.1 Avrekning ved bruk av måleverdiane til nettselskapet.
Strøyma AS nyttar tilgjengelege måleverdiar frå nettselskapa for all avrekning av kundar.
§ 2-1.2 Avrekning ved stipulering av forbruk
Dersom måleverdiar frå nettselskapa ikkje er gjort tilgjengeleg for Strøyma AS til rett tid før avrekning skal skje, vil Strøyma AS stipulere kunden sitt uttak og nytta stipuleringa ved avrekninga. Justering vil bli gjort når Strøyma AS får tilgang til måleverdiar frå nettselskapet.
§ 2-2 Feil ved avrekning
§ 2-2.1 Feil ved avrekning som kan tilskrivast Strøyma AS.
Dersom Strøyma AS har nytta andre måleverdiar ved avrekning av ein kunde enn dei måleverdiane som nettselskapet i rett tid har gjort tilgjengeleg for Strøyma AS, kan partane krevja tilleggsbetaling eller tilbakebetaling for feilperioden.
Krav om tilleggsbetaling og tilbakebetaling blir forelda etter reglane i lov om foreldelse av fordringer av 18. mai 1979 nr.18.
§ 2-2.2 Avvikskorrigering etter at det er blitt brukt stipulering ved avrekninga
Avvik som skuldast at Strøyma AS ikkje har fått oppgitt nødvendige måleverdiar frå nettselskapet i rett tid, og såleis har brukt stipulert forbruk ved avrekning, jf. § 2-1.2, skal også korrigerast ved tilbakebetaling eller tilleggsbetaling når måleverdiane ligg føre.
§ 2-2.3 Avrekningsfeil som følgje av feil i oppgitte måleverdiar frå nettselskapet
Dersom Strøyma AS har motteke feil måleverdiar for kunden frå nettselskapet, og har nytta desse ved avrekning av kunden, kan Strøyma AS ikkje krevja etterbetaling frå kunden, og kunden kan ikkje krevja tilbakebetaling frå Strøyma AS.
Oppgjer som gjeld for mykje eller for lite betalt for straum i dei tilfella nettselskapet har meldt feil måleverdiar til Strøyma AS, er i det heile eit forhold mellom nettselskapet og kunden som nettkunde hos nettselskapet.
§ 3 Pris og betalingsvilkår
§ 3-1 Straumprisar og endring av straumprisar
§ 3-1.1 Endring av straumpris
Endringar i prisar og vilkår for standardprodukt kan som hovudregel endrast med 14 dagars varsel. Varsel om endring skjer anten ved melding i Min Meldingsboks på Mi side, sms eller epost.
§ 3-1.2 Andre straumprisar
Straumpris(ar) og vilkår for eventuelle endringar av andre straumprodukt følgjer av det partane avtaler i Særskild avtale.
§ 3-1.3 Nettleige
Straumprisen gjeld berre for avrekning av straumen kunden tek ut. Avrekning for nettleige frå kunden sitt nettselskap kjem i tillegg til avrekning for uttaket av straum.
§ 3-1.4 Offentlege avgifter m.v.
Med ”avgift” forstår ein her all innkrevjing av pengar som offentleg myndigheit pålegg Strøyma AS å foreta i samband med levering av straum. Straumprisane er oppgitt eksklusive alle avgifter. Eksisterande og nye avgifter, kjem i tillegg til straumprisen med dei til eikvar tid gjeldande satsar.
§ 3-1.5 Plikt til å dokumentera avgiftsfritak og rett til refusjon ved feilaktig avgiftsfritak
Kundar som etter aktuelle forskrifter er fritekne for avgifter, må i tvilstilfelle dokumentera overfor Strøyma AS at dei har rett til avgiftsfritaket. Dersom Strøyma AS skulle bli etterrekna av avgiftsmyndigheitene for avgifter som kundar feilaktig er blitt fritekne for, skal vedkomande kunde refundere Strøyma AS det aktuelle avgiftsbeløpet.
§ 3-2 Betalingsvilkår
Faktura forfell til betaling i samsvar med Strøyma AS sine faktureringsrutiner og betalingsvilkår, og det partane avtaler i Særskild avtale.
§ 3-3 Rente ved for sein betaling
Forseinkingsrente kjem i tillegg ved betaling etter oppgitt betalingsfrist gitt på faktura etter
lovbestemt rentesats i forbrukarforhold i lov om renter ved forseinka betaling av 17. desember 1976 nr 100.
§ 3-4 Inkasso
Inkasso kjem i samsvar med lov om inkasso av 13. mai 1988 nr 26.
§ 4 Sanksjonar ved misleghald av avtalen
§ 4-1 Stansing
Strøyma AS kan stanse å ta økonomisk ansvar for kunden sitt uttak av straum dersom kunden ikkje betaler faktura innan betalingsfristen oppgitt på fakturaen.
Kunden og vedkomande nettselskap vil bli varsla skriftleg om stansing og opphøyr av straumleveranse, og om tidspunktet når stans blir sett i verk.
Stansing inneber ikkje at avtalen om straumpris blir sagt opp eller heva. Strøyma AS vil oppretthalda stansinga inntil all gjeld kunden har til Strøyma AS, er gjort opp, eller annan avtale om nedbetaling av gjeld er inngått. Etter dette vil avtale om straumpris vidareførast.
§ 4-2 Heving av tidsavgrensa straumprisavtaler
§ 4-2.1 Kunden sin hevingsrett
Dersom Strøyma AS vesentleg mislegheld ei tidsavgrensa avtale om straumpris kan, kunden heva avtalen.
§ 4-2.2 Erstatningsansvar for kunde dersom det ikkje er hevingsgrunn
Strøyma AS kan krevja erstatta det tap Strøyma AS lir dersom kunden hevar ei tidsavgrensa avtale om straumpris før utløpstidspunktet, og det ikkje foreligg slikt vesentlig misleghald av avtalen frå Strøyma AS si side som nemnt i § 4-2.1.
Erstatningsbeløpet finn ein som differansen mellom områdeprisen i det prisområdet der kunden tek ut straum, på den dagen Strøyma AS får melding om hevinga, og den prisen som gjeld i kontrakten mellom kunden og Strøyma AS. Denne differansen blir multiplisert med avtalt, eller skjønsmessig stipulert uttak av straum frå den dagen avtalen vert heva og ut den perioden som den tidsavgrensa avtalen gjaldt for.
§ 4-2.3 Strøma AS sin hevingsrett
Strøyma AS kan heva en tidsavgrensa avtale om straumpris dersom kunden mislegheld betalingsplikta.
§ 5 Frikjøp, oppseiing og opphøyr av avtale om straumpris med fast pris og/eller varigheit
§ 5-1 Hovudregel for avtaler om straumpris med fast pris og/eller varigheit.
Avtale om straumpris med fast pris og/eller varigheit skal gjelda for det tidsrom som er avtalt i Særskilte Vilkår.
§ 5-2 Frikjøp frå avtalte plikter og utrekning av frikjøpsbeløp
Kunden har høve til frikjøp frå sine avtaleplikter ved å erstatta det tapet Strøyma AS lir ved at avtalen vert stansa før avtaletida er ute.
Erstatningsbeløpet (frikjøpsbeløpet) blir berekna som differansen mellom områdeprisen i det prisområdet kundens uttak skjer på den dag frikjøp blir krevd av kunden, og den prisen som gjeld i kontrakten mellom kunden og Strøyma AS. Denne differansen blir multiplisert med avtalt, eller skjønsmessig stipulert uttak av straum frå den dag frikjøpet gjeld frå, og ut den perioden som den tidsavgrensa avtalen gjaldt for.
§ 5-3 Særskilt om vidareføring og frikjøp frå avtaler for kundar som flyttar i avtaleperioden
Kundar som har avtaler om straumpris med fast pris og/eller varigheit, og som flyttar før avtaleperioden er ute, får fullført avtalen ved uttak av straum på den nye adressa si. Kundar som ikkje ønskjer å fullføra avtalen ut avtaleperioden ved flytting, får høve frikjøp etter reglane i § 5-2.
Kundar med avtaler om straumpris med fast pris og/eller varigheit, som flyttar, pliktar å varsle Strøyma AS om den nye leveringsadressa si med dei same opplysningane som dei som går fram av § 1-6 i desse Allmenne Vilkår. Strøyma AS vil deretter senda melding om oppstart av straumleveranse til vedkomande nettselskap, jf. § 2-1 i Forskrift om måling, avregning og samordnet opptreden mv. av 11.03.1999 nr 301.
§ 5-4 Oppseiing av avtaler om straumpris utan særskilt avtalt opphøyrsdato.
Avtaler om straumpris utan særskilt avtalt opphøyrsdato kan seiast opp av kvar av partane med 30 dagars skriftleg varsel.
§ 5-5 Særskilt om opphøyr av avtale om straumpris med fast pris og/eller varigheit
Dersom Strøyma AS etter utløpet av ei avtale om fast pris og/eller varigheit ikkje har motteke leverandørskiftemelding frå nettselskapet, og heller ikkje har motteke bestilling frå kunden om ei ny avtale om fast pris og/eller varigheit, vil kunden bli avrekna av Strøyma AS i samsvar med Spotpris med påslag, eller eit anna standardprodukt som kan seiast opp etter regelen i § 5-4 i disse Allmenne Vilkår.
§ 6 Endringar i desse Allmenne Vilkår for avtale om straumpris.
§ 6-1 Endring i Allmenne Vilkår for avtale om straumpris for kundar som har avtaler om straumpris utan særskilt avtalt opphøyrsdato
For kundar som har avtaler om straumpris utan særskilt avtalt opphøyrsdato, kan Strøyma AS gjera endringar i desse Allmenne Vilkår for avtale om straumpris.
Endringar skal kunngjerast med 14 dagars varsel som direkte melding til kunden eller på annan eigna måte, og er deretter gyldige.
§ 6-2 Endring i Allmenne Vilkår for avtale om straumpris for kundar som har avtaler om straumpris med fast pris og/eller varigheit.
For avtaler om straumpris med fast pris og/eller varigheit blir endringar som nevnt i § 6-1 ikkje gjort gjeldande i avtaleperioden. Endringane vil først bli gjort gjeldande for slike avtaler dersom kunden etter utløpet av avtalen fornyar eller vidarefører avtalen med ny aksept.
§ 7 Tvistar
Tvistar om kontraktsforholdet, som ikkje blir løyst ved forhandlingar, skal bringast inn for Bergen tingrett, med mindre partane i det enkelte tilfelle blir einige om skilsdom.
Sorenskriveren i Bergen tingrett skal i tilfelle der det er semje om skilsdom, oppnemne leiar for skilsdomsretten. Ellers avtaler partane i samråd med den oppnemnde leiaren samansetting og sakshandsamling i samsvar med reglane i lov om voldgift.
Definisjonar til Allmenne vilkår for avtale om straumpris.
Avrekningsansvarleg Eining utpeika av Olje- og energidepartementet som skal sørgje for at det blir avrekna for all innmatning og alt uttak av straum som skjer i netta i Norge. Dette er regulert i § 4-3 i energilova og i kapitla 4 og 5 i forskrift av 11.3.1999 nr 301 Om måling, avregning og samordnet opptreden ved straumomsetning og fakturering av nettjenester.
Avtale om straumpris Finansiell avtale der ein aktør (straumleverandør) tek på seg å avrekna ein kunde for kunden sitt uttak av straum i samsvar med avtale, samtidig som aktøren overfor avrekningsansvarleg tek på seg det økonomiske ansvaret for vedkomande kunde sitt uttak av straum frå nettselskapet sitt nett.
Elspotpris Pris for straum som blir notert kvar time av den nordiske straumbørsen Nord Pool ASA. Elspotprisen, eller berre spotprisen, er referansepris for all anna prissetjing av straum. Det blir notert ein systempris som er snittet for heile børsområdet. Ved flaskehalsar i det fysiske straumoverføringssystemet (sentralnettet) mellom regionar blir det notert ein elspotpris for kvart område (områdepris).
Finansiell avtale Sjå avtale om straumpris.
Straumleverandør Nemning for aktørar som ”sel” straum til sluttbrukarar. Det må likevel presiserast her at nemninga ikkje refererer til ein aktør som som står for fysisk leveranse av ei bestemt straummengde til sluttbrukar, men til ein aktør som forpliktar seg til å avrekne kunden for utteken straummengde til avtalt pris. Ytinga til straumleverandør er følgjeleg ei finansiell avtale.
Leverandørskifte Formell, forskriftsfesta prosedyre for registrering av den leverandør som skal ha økonomisk ansvar overfor avrekningsansvarlege for straumuttaket i eit kvart målepunkt ID. Melding om leverandørskifte skal alltid sendast av den aktøren som har inngått ny avtale om straumpris (straumleveringsavtale) med ein kunde. Reglane om leverandørskifte er inntekne i kap. 2 i forskrift av 11.3.1999 nr 301 Om måling, avregning mv.
Leveringsadresse Sjå Målepunkt ID
Målepunkt ID Etter § 1-3 i Forskrift om måling, avregning og samordnet opptreden mv. av 11.3.1999 nr 301 er målepunkt ID definert som ”ein eintydig identifikasjon av eit målepunkt basert på EAN- standarden Global Service Relation Number (GSRN)”.
Nettleige Alle prisar og anna økonomisk godtgjersle (tariffar) som nettselskapet fastset for tilknytning til og bruk av elektriske nettanlegg. Jf. § 1-3 om tariffer i Forskrift av 11.3.1999 nr 302 Om økonomisk og teknisk rapportering, inntektsrammer mv.
Nettselskap Selskap som eig overføringsnett eller har ansvar for nettenester i samsvar med nettleigekontrakt med kunden samt områdekonsesjon og omsetningskonsesjon etter energilova.
Nord Pool ASA Den nordiske straumbørsen som er eigd av sentralnettsselskapa i dei nordiske landa. Aktørane som tilbyr avtaler om straumpris til sluttbrukarar, handlar straum, og prissikrar avtalepliktene sine overfor kundane hos Nord Pool ASA.
Områdepris/
Prisområde Sjå Elspotpris.
Sluttbrukar Som sluttbrukar er rekna den kunden som tek ut straum til eige bruk, og som ikkje omset straumen vidare.
Spotpris Sjå Elspotpris
Stansing Det at straumprisansvarleg brukar retten til å halde tilbake straum frå kunden, noko som innber at straumleverandøren overfor kunden og nettselskapet erklærer at ein frå eit oppgitt tidspunkt ikkje står økonomisk ansvarleg overfor den avrekningsansvarlege og nettselskapet for straumen kunden tek ut.